T2

تدريبي كان أونلاين. أول شيء كلموني وقالوا اختاري بين ثلاث مسارات (إدارة مشاريع، برمجة، قسم السيرفرات). سوو لنا اختبار بسيط عن المسار والمقابلة كانت أونلاين. القسم اللي تدربت فيه كان إدارة المشاريع PM. أول شهرين تقريبًا كانوا يعطونا زي المحاضرات، كل أسبوع أو أسبوعين يجينا موظف مختلف ويكلمنا عن أحد المواضيع (الكواليتي، التصميم، إدارة المشاريع، محلل البيانات). بعضهم كان يطلب مننا نطبق ونسلم وبعضهم زي الاساسمنت. وآخر شيء أخذوا متدربين من كل مسار وقسمونا ثلاث مجموعات وأعطونا مشروع. البيئة مختلطة كتجربتي أونلاين.

تدريبي كان في قسم الأمن السيبراني. بداية كان عبارة عن GRC وبعدها دخلنا على Wazuh لين نهاية التدريب، كان في خطة له. التدريب كله كان أونلاين بس نداوم بالمقر، هذا الشيء ما حبيته. كان فيه دورات إضافية عن قسم البيانات و GRC و SOC. كنا نشتغل على أشياء وهمية مو حقيقي، وكل نهاية أسبوع نستعرض إيش سوينا مع المشرف.

تدربت في قسم منع الخسائر بجدة. القسم أبدًا مو IT وكنت لوحدي فيه بس أعطوني تاسكات نوعًا ما ناسبت مجالي، اشتغلت على تاسكات تسهل طريقة شغلهم وشيء يستفيدون منه. كانوا متعاونين جدًا وتعلمت منهم كثيرًا. ضروري تثبتون لهم أنكم شغيلين ومو جايين للاسم بس عشان يعطونكم شغل.