سدايا

اشتغلت في إدارة الحوسبة السحابية في قسم إدارة الخدمات. تجربتي معهم بشكل عام أقيمها ٥٠٪. عادية جدًا، دخلت بحماس كبير وانصدمت بالواقع. طوال فترة تدريبي كانت تجيني تاسك إلى ٢ تاسك بالأسبوع وأقدر أخلص التاسك الواحد بساعة أو ساعتين. لكن التاسك نفسها للأمانة تعجبني وفي مجالي، خلوني أشتغل على نظامهم وأخذ داتا حقيقية وأحللها. الموظفون محترمون وما حصلت منهم شيء يضايق. البيئة مختلطة من الدرجة الأولى، الرجال والبنات مكاتبهم جنب بعض ما فيه فصل.

مكان التدريب: قسم الدراسات. التدريب كان متنوع ويعطونك من الشغل والمشاريع اللي يشتغلون عليها وأغلبها مع شركات عالمية. اشتغلت على إدارة المشاريع وتحليل الأعمال وتحليل البيانات. كل متدرب راح يكون مسؤول عنه موظف واحد وراح تشتغلون في تيمات مختلفة. المتدربون لازم يحضرون اجتماعات القسم ويشاركون فيها. بناء على طبيعة عمل المشرف ممكن تحتاج تداوم كم يوم في أماكن مختلفة زي توكلنا أو أي جهات تابعة لسدايا. بيئة العمل مريحة على الرغم من أنها مختلطة وكل متدرب له مكتب خاص. ساعات عمل مرنة، الجميع خلوقون وسلسون. خذوا التدريب في آخر مستوى بدون مواد.

عملت في ادارة تخص الأمن السيبراني وتعرفت على المجال عمليا ونظريا في أكثر من قسم، البيئة محفزة وتؤهلك لسوق العمل، الموظفين من الكفاءات السعودية الناجحة، عيب التدريب انه لم تكن ادارتي على علم بمجيئي مسبقا، ولكن أنصح بسدايا جدا.

تدرّبت في سدايا تحديدًا سحابة ديم، و على وجه التحديد in cloud security tram .. كنت مجرّد trainee بالبدايه عطوني بريڤ واضح عن طبيعة العمل و المصطلحات و بعدها صرت اتابع مع مشاريعهم و مع الـ vendors بكل بروسس و بعدها صرت small manager على مشروع من مشاريع الإداره اللي أنا فيها من جميع نواحيها و أمسك تاسكات ثانيه بيئة عمل جدًا رهيبه، و جميع اللي بسحابة ديم كانوا أشخاص متعاونين و معطائيين لدرجه كبيره، حريصين على أنهم يوصّلون المعلومه بشكل أفضل و يتجاوبون معك كأنهم عائله واحده مو إدارات مختلفه، تجربه رهيبه حد انه بنظري مليانه مزايا و خاليه من العيوب

Data Analysis — تدربت في قسم البيانات، الفريق اللي معي كان مكون من ثلاثة أشخاص، دكتور واثنين سينيور. ما اشتغلت على مشروع معين، التاسكات اللي كانت تجيني تعتمد على احتياج الشركة. بشكل عام تجربتي كانت متوسطة بحكم أن الشغل كان اون لاين فما دخلت مع التيم بشكل ممتاز، الأشخاص الموجودون كانوا متساعدين. تجربتي يمكن تكون مختلفة تمامًا بحكم أني تدربت اون لاين بسبب كورونا.

تدربت في قسم Business Application بمسمى بزنس اناليست واشتغلت على مشروع خاص بسابك. كانت تجربة جميلة وتفرق التجربة على حسب المنجر اللي بيكون مشرفك. بيئة مختلطة لكن مكاتب البنات بجهة والعيال بجهة، يعني ما في مكتب بنت وولد جنب بعض.