أمانة العاصمة المقدسة

في ادارة الحلول الرقمية في خطة بس ما كان في احد يعطينا هي بسبب انهاء عقد الشركة المسؤوله الين غيرو الخطه اخذنا بس يومين في الاسبوع ناخذ مهمه بسيطة نسوي رسمات زي هندسه ٢ مافي فايدة كثير لان اغلب الاشياء نعرفها بس حلو لو تبو شي خفيف ما فيه شغل كثير و اكبر مشكله هي اللخبطه تعيشك في قلق بس في النهايه يسير كل شي زي المطلوب

في البداية قدمنا في مبنى تقنية المعلومات وقسمونا ل3 اقسام موزعين في المعابدة والكعكية ( دعم فني، مدن ذكية، حلول رقمية) .. من ناحية تدريب المدن الذكية كان اغلبه كلام نظري شرح لادارتهم وسوينا جولات على مبانيهم واخر شي طلبو مننا نقترح لهم مبادرات ذكية عشان ينفذونها وعلى اخر اسبوع صار فيه تغيير لمدير القسم وأرسلو لنا مهندس من قسم الحلول الرقمية شرح لنا على السريع دورة حياة البرمجيات والفرق بين مختبر البرمجيات ومحلل البرمجيات وطلب مننا نجيب فكرة ونرسم لها يوز كيس وورك فلو دايقرام وسوينا بروتوتايب وانتهى التدريب .. باختصار تحسهم متورطين بالمتدربين ومو فاضيين لهم والمدير الجديد بنفسه قال لنا انه فيه سوء تنظيم للمتدربين هذا العام ف ماادري عن باقي السنوات كيف ولكن تجربتي كانت مخيبة للامال

دعم فني الوضع ملخبط ما كان في خطة تدريب (اول اسبوعين كانت اجازه الحج اعطونا حالة واقعة نحلها - اشتغلنا في الشبكات - الصيانة نشوف بلاغات ونحلها )

اول اسبوعين كانت عن بعد ارسلت لنا حاله واقعية وعملنا على تصميم طريقة لاتمتتها بكتابة الخطوات ورسم الفلو شارت الثلاث اسابيع التاليه عملنا على اعمال الدعم الفني مثل عمل فورمات للجهاز التعرف على برامجهم وطريقة تحميلها من السيرفر وتركيب سلك شبكة ولكن بصراحة كان فيه كثير وقت فراغ مانسوي فيه شيء الثلاث اسابيع الاخير وضحنا لهم استيائنا وتم تغيير المشرفه واعطائنا بنود عندهم لتنفيذ الاعمال وعلى اساسها قمنا بتحليلها و بتصميم نظام لمتابعة المشاريع لديهم كتبنا التقرير للنظام وعملنا رسم الفلوشارت له وصممنا الواجهات عن طريق فيقما الثلاث الاسابيع الاخيره هي اللي كانت مفيده وممتعه بالنسبه لنا من ناحية اوقات الحظور مايدققو ابدا حتى لو بتغيبي ترسلي للمشرفة عذرك وتحضرك والتقييم اعطونا كلنا كامل يعني اجتهادك حيكون لنفسك عشان تستفيدي في النهاية هم حيعطوك الدرجة كاملة

المهام بسيطة جدا اغلبها نظري مهندس يتكلم عن شغلو وكذا أشياء بسيطة وفيه أشياء ممتعة زي تصميم الواجهات لكن قليل العملي

التدريب نظري مثل المحاضرات ، اذا شرحو لنا شي عملي نطبقه ع اجهزتنا ، كلفونا ناخذ دورات ونعرض لهم الشهادات ونتكلم عن دورة وحده منهم ك بريزنتيشن ، برضو اشتغلنا على مشروع خاص فينا وبنقدمه لهم نهاية التدريب. ك طالبة ذكاء الخطه ما تناسبنا لكن ناسبت علوم الحاسب وبنات التفاعل. المشرفين كويسين مره ومتعاونين.

بصراحة، ما كان فيه مهام فعلية أو واضحة أقدر أقول إنها أثرت على تطوري المهني. أغلب الوقت كان يمر بدون تكليفات مفيدة، وإذا تم إعطائي مهام، فكانت سطحية جدًا أو مجرد تسليك. الميزة الوحيدة ان أوقات الدوام مرنة،